Dalgunos esportistes, non necesariamente campeones d’Europa, cobren millonaes. Estes muyeres, que ganaron la pasada temporada toles competiciones existentes, tienen que poner perres del so bolsu pa dir a los partidos ya en dellos casos, quedase ensin participar por falta de fondos y llevar enriba una fuerte sanción por ello.
Son Campeones d’Europa, el Clú con más títulos de la hestoria d’Asturies, esti añu namás yos falta por ganar la Intercontinental, depués de ganar la Supercopa de España, OK Liga, Copa de la Reina y la Copa de Europa, pero nun tienen presupuestu -nin ayudes- pa participar nes competiciones.
Nun ye la primer vegada que yos pasa, pero nesti casu, enriba, si nun xunten los 40.000 euros que necesiten pa dir a la Copa Intercontinental sedrán sancionaes: la Federación desixe al Telecable Xixón participar na competición baxo la menacia de ser sancionaes, ya que la participación ye obligatoria pa los equipos clasificaos.
La fecha de la Copa Intercontinental 2023, que se disputará n’Arxentina, na llocalidá de San Juan, ye la semana del 23 al 25 de febrero de 2024. Fasta entos tienen previsto entamar una recaldación de fondos pa tratar de conseguir el presupuestu necesariu pa competir.
Nel Dos Santos
This work is licensed under a Creative Commons Attribution 4.0 International License.
