El Sindicatu d’Estudiantes entama esta segunda fuelga pa desixir al gobiernu d’España qu’intervenga pa llograr aparar el xenocidiu del pueblu Palestín.
La Embaxada d’Israel conderga estos actos por consideralos antiisraelíes y pide prohibir les concentraciones nun comunicáu
Dende’l Sindicatu d’Estudiantes definen lo que ta ocurriendo como “Una matanza inhumana consentía por tolos Gobiernos occidentales, qu’otorguen impunidá dafechu al réxime fanáticu y supremacista de Netanyahu. Ye la barbarie. Pero una barbarie planificao dende Tel Aviv con asesoramientu de Washington y Bruseles”.
Poro, convoquen esta segunda fuelga que dirá acompangada de manifestamientos a les doce del mediudíi en Xixón (Plaza’l Parchís) y n’Uvíeu (La Escandalera).
La Embaxada d’Israel nel Estáu español emitió un comunicáu nel que desixen que se prohiban les manifestaciones y fuelgues n’escueles y cientros educativos en solidaridá colos palestinos, inmiscuyéndose na llegalidá ya pretendiendo vulnerar el drechu de protesta, llibertá d’espresión y aconceyamientu pacíficu. El gobiernu d’España nun reacionó por agora ante esti intentu de remanar los drechos nel so territoriu.
Susana Sela
This work is licensed under a Creative Commons Attribution 4.0 International License.
