La oposición vecinal lleva a Adrián Barbón a afirmar la so refuga a la instalación de la planta de pirólisis, pesi a continuar cola tramitación llegal de los permisos pa la mesma

Los vecinos de Xixón lleven un añu protagonizando actos en contra  la instalación d’una planta de pirólisis nos muelles de l’ampliación del puertu d’El Musel, que s’afitaría n’una parcela de 38.657 metros cuadraos, xusto a los pies del Cabu Torres.

Ayeri, depués de qu’esta selmana la Dirección Xeneral de calidá Ambiental abriere  la fase d’información pública previa a la concesión de l’autorización ambiental integrada de la instalación d’una planta de reciclax químicu de plásticos, Barbón diz que’l proyeutu tien la refuga unánime del so gobiernu “La planta de pirólisis ye rechazable cola llei na man y, cola nueva estratexa de residuos que tamos faciendo, más tovía”, afirmando qu’enxamás se plantegaron llegar a permitila.

Pa ello utiliza los mesmos argumentos que los vecinos lleven un añu esgrimiendo, cercanía a la mar, traer basoria d’afuera, contaminar… Un añu de convicción vecinal en pro de la salú nel que los vecinos de Xixón recoyeron decenes de miles de robles, protagonizaron marques y manifestamientos y llantaron la Pancartona frente al Musel, onde tornaben a aconceyar ayeri a cellebrar que consiguieren, aparentemente, aparar el proyeutu.

La pancartona, símbolu de la llucha del movimientu vecinal xixonés contra la planta de pirólisis, seguirá presidiendo la subida a El Muselín, les principales asociaciones de la zona Oeste seguirán sollertes fasta que la idega quede definitiva y oficialmente descartao, más allá de les pallabres al aire. 

Amás, remembren qu’esto ye una batalla ganada, pero que la guerra contra’l problema de contaminación qu’afeuta a Xixón y más de cerca a la zona Oeste sigue y va pa llargo, fasta que se consiga una ciudá saludable y llimpia. 

Susana Sela

This work is licensed under a Creative Commons Attribution 4.0 International License.