Cuatro finalistes llucharán pol premiu al meyor cantar n’asturianu del añu
El Teatru de la Llaboral va acoyer el domingu 12 de payares a les 17:00 hores la Gala Final de la decimoquinta edición del Premiu Camaretá al Meyor Cantar, que va cuntar cola actuación de los finalistes d’esti añu: Marisa Valle Roso, con Tonada, Alienda, con Zanca de cabra, José Manuel Tejedor con Les tos nales y Vero Rubio con Dixo miou padre
El xuráu tará formáu por especialistes en música y llingua asturiana y decidirán quien recibirá los 6.000 euros colos que ta dotáu el premiu, que tien l’envís d’ afianzar, prestixar y arriquecer la creación musical n’asturianu.
Na gala tamién va dar un conciertu’l grupu Algaire, ganadores de la edición anterior d’esti premiu col tema Coral y maera.Una cita cola meyor música en llingua asturiana qu’axunta sonoridaes folk, pop, rock y electróniques.
Alberto Rodríguez
This work is licensed under a Creative Commons Attribution 4.0 International License.
