El Grupu Trabanco, que tien la so sede principal en Llavandera, Xixón, recibirá mañana en Madrid el premiu que lu reconoz comu la empresa hostelera más comprometía cola responsabilidá social.

Trabanco ye una empresa familiar fundada en Llavandera, onde s’alcuentra’l primer llagar y el restaurante Sidrería Casa Trabanco. Anguañu, el Grupu Empresarial Trabanco cunta con dellos espacios dedicaos tamién a la celebración d’eventos en Casa Trabanco, Trabanco Sariego, El Túnel, Casa Alicia y Los Paxos.

Yolanda Trabanco na Gala Benéfica Madres de la Sidra

A lo llargo d’estos años vien desendolcando delles aniciatives que combinen solidaridá y gastronomía, sofitando asociaciones comu Zaporeak, que lleva más de 10 años ufriendo alimentu a los abellugaos qu’aporten a Europa, o Galbán, que va más de venti años qu’atiende y sofita a reciella con cáncanu y a les sos families. 

Amás, comu empresa familiar, participa tamién na Asociación Asturiana de Empresa Familiar, AEFAS, pa promover esta triba d’empresa, tresmitiendo a les nueves xeneraciones los valores ya’l papel relevante de les empreses familiares na sociedá.

Nes declaraciones feches depués de conocese la noticia Samuel Menéndez, xerente del Grupu Trabanco, declaró que “Deseyaría que Xixón seya referencia mundial de la sidre”, afirmación que comparte con enfotu la so fía Yolanda “Tien de ser la Capital de la Sidre, por llitros de producción, por historia, por consumu, poles sidreríes y chigres, por too ello, tien de ser capital mundial de la sidre ensin más pérda de tiempu”. Un oxetivu ca vuelta más cercanu, una bones Xixón ye la Sede de la Rede Europea de Ciudaes de la Sidre, RECS.

Susana Sela