N’actual Reserva de la Biosfera ya tan furrulando 5 parques eólicos (Candal, Chao das Grallas, Bobia, Villanueva, A Xunqueira) hai 5 autorizaos (Viento Castelo, Folgueiras, Chao Gran,Santalla y Pousadoiro) y otros 14 parques proyectaos
El parque eólicu de Pereiro, de 4 molinos de 3650 KV de potencia ca aeroxenerador, pretende allugase nel cordal de los picos Espiñeira, Pereiro, Picacho, Castillo y Villorín, afeutando a los conceyos de Taramundi y Vegadeo, na Reserva de la Biosfera del ríu Eo, Oscos y Tierra de Burón y menaciando los espacios naturales de la reserva de la biosfera. .
Sicasí, el proyeutu queda frenáu pol informe negativu apurríu pol Conceyu Taramundi, pesia les presiones del Principado y de los promotores eólicos. El motivu d’esta negativa ye la cercanía de menos de mil metros de los aeroxeneradores a los núcleos rurales de Lamisqueira y Fabal.
El Principado pel so lláu sigui autorizando parques dientro la Reserva de Biosfera del río Eo, Oscos y Tierra de Burón, lo que contradiz les sos declaraciones de la pasada llexisllatura nes qu’afirmaba que s’escluiría el desendolcu de parques eólicos en parques naturales y zones protexíes.
Alberto Rodríguez
This work is licensed under a Creative Commons Attribution 4.0 International License.
