Na tardi d’ayeri les cais de Xixón tornaron acoyer el clamíu ciudadanu que reclama’l fin de los bombardeos en Gaza, l’acabu de la ocupación sionista y sanciones a Israel
Convocaos pola Plataforma Asturiana por Palestina, los manifestantes, alrodiu los cincu mil, marcharon peles cais del cientru la ciudá, pente la Plaza l’Humedal y la Casa Conceyu, desixendo la fin del xenocidiu y ufriendo al pueblu palestín el sofitu del asturianu, que nun queda calláu ante la barbarie que ta teniendo llugar. “Gaza, aguanta, qu’Asturies se llevanta” foi un de los llemes más repetios, xunto con aquellos qu’apunten a les istituciones europees comu cómplices de la masacre.
A la fin del percorríu, la escritora Pilar Sánchez Vicente lleyó un sentíu manifiestu nel que comparó les polítiques israelies coles nazis, acusando al gobiernu sionista d’utilizar l’Holocaustu p’acusar d’antisemites a quienes denuncien los sos abusos y recordando que son munchos los xudios per tol mundiu que nun se sienten representaos por eses polítiques.
Susana Sela
Alberto Rodríguez
This work is licensed under a Creative Commons Attribution 4.0 International License.
