Mala Relixón fala de “d’esos patrones, idegues y programes que nos van yantando sele dende neños na escuela, na familia, na tele y agora nes redes sociales”

La banda moscona de punk-rock nun aparó d’editar novedaes nes plataformes musicales nos seis años dende de qu’asoleyara’l so anterior CD, En Pie de Xera y agora xúntenles nun nuevu discu en formatu físicu: Mala Relixón

L’album ta formáu por 10 cantares: los tres del curtiumetraxe musical L’Últimu Aliendu (2020), el del videoclip La Misiva col que festexararon el so X+II aniversariu (2022), los cuatro del EP Mala Relixón (2022) y dos inéditos hasta agora: “Ensin gravedá” y “Celebrar”, toos ellos rexistraos nos Ovni Estudios de Bonielles baxo los mandos de Pablo Martínez (Desakato)

Al xuntar temes creaos nun llapsu tan llargu de tiempu, pue vese nellos la evolución d’esti grupu, nes lletres, nel soníu y nel estilu.  de la banda a lo llargo de los tres años nos que fueron grabando estos cantares). 

Seique’l nome del discu remembra a Bad Religion, la banda estauxuniense de punk rock fundada en 1980, los componentes del grupu esclarien que Mala Relixón nun fala d’ellos nin tampocu de dogmes monoteístes, sinón “d’esos patrones, idegues y programes que nos van yantando sele dende neños na escuela, na familia, na tele y agora nes redes sociales. Ye una llamada a garrar les riendes de la vida y volver al orixe y a prender esi llume que toos llevamos dientro”.

Susana Sela

This work is licensed under a Creative Commons Attribution 4.0 International License.