Los ñacimientos d’asturianos menguaron un 78% en 45 años. Hai la metá de mocedá y reciella qu’hai venti años, el Pueblu Asturianu esmuzse nun llentu ya inaparable xenocidiu
Acordies l’estudiu del avilesín Alejandro Macarrón Larumbe, coordinador del Observatoriu Demográficu del CEU, Asturies presenta los peores datos en pérda de mocedá de tol estáu. Comu motivos, Macarrón apunta a la emigración forciada demientres décades de la población n’edá fértil y la ruina tasa de fecundidá, la segunda peor d’Europa con menos d’un fiu por muyer.
Les consecuencies d’esti avieyamientu de la población nun ye namás el despoblamientu, sinón qu’hai munchos otros, sociales -solitú de los mayores, perda identitaria- económicos -pensiones, necesidá de gastu en salú, falta de man d’obra cualificao- y políticos -perda de pesu demográficu y representatividá política-
La inmigración, alvierte, nun ye abondo comu solución y amás la falta de mocedá autóctona dificulta la integración y xenera una perda cultural ya identitaria fuerte. Lo primordial ya urxente ye frenar la emigración propio, calteniendo la mocedá nel país con condiciones llaborales y de vida dignes que permitan, amás, plantegase la creación d’una familia.
Alberto Rodríguez
This work is licensed under a Creative Commons Attribution 4.0 International License.
