Xabazada ambiental en Felechosa

  • 09/10/2023

Desaniciu dafechu de la biesca de ribera del ríu S. Isidro al so pasu pela llocalidá de Felechosa, Conceyu d’Ayer

El 100% de la vexetación de la vega’l ríu ya’l 90% de los árboles, humeros, salgueros y chopos foron baltaos, quedando’l ríu arrasáu. 

La normativa ambiental protexe teóricamente los ecosistemes de vega, al traviés de la normativa d’espacios naturales que tendría de llendar les actividaes que puean causar impeutu nel mediu, pero la desidia de l’alministración pública al respeutu permite y xenera esta triba de llaceries. 

La biesca de vega ye perimportante pa caltener l’equilibriu ecolóxicu de los espacios nos que medra, fomentando la calidá de suelos y agües, sofitando la biodiversidá y torgando la erosión del tarrén.

Pa enriba, la llamentable urbanización turística de Felechosa, con costruciones en zones de crecida, fae que’l desaniciu d’esta vexetación afale los riesgos en casu d’hinchente del ríu, a falta d’árboles que frenen la fuercia l’agua. 

Alberto Rodríguez

 

Comparti esta noticia

This work is licensed under a Creative Commons Attribution 4.0 International License.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

InfoAsturies

noticies d'Asturies
n'asturianu

Actualidá de los conceyos, llingua, cultura, economía, mediu ambiente y derechos sociales.

Quién somos y llinia editorial

Esti sitiu utiliza cookies. Consulta la política de cookies pa conocer los sos usos.

ACEPTAR
Aviso de cookies