Decenes de persones acompanguen a les acusaes a la puerte los xulgaos de Xixón onde tendría llugar l’actu de conciliación tres una nueva denuncia del empresariu a una de les ya condergaes y a una periodista por cuntar el casu nun programa de radio
Denunciaes y condergaes por defender a una víctima d’acosu, les acusaes de les 6 de La Suiza enfrentense agora a un nuevu xuiciu por dar voz al so casu. A una de les persones que ya taba condergá a tres años y mediu de cárcele por facer llabor sindical súmase agora una nueva víctima d’esta persecución a la verdá, col agravante de que nesti casu ye un ataque direutu a la llibertá de prensa, pues la nueva denunciá ye una periodista acusá por contar el casu publicamente.
Esti ataque a la llibertá sindical ta consiguiendo xusto lo contrario a lo que pretende, pues si queríen facer callar al pueblu con un castigu exemplar la reación que consiguieron foi la de la solidaridá de los xixoneses y asturianos que lleven meses participando en movilizaciones en defensa de les 6 de La Suiza y qu’ayeri aconceyaben a la puerte de los xulgaos de Xixón onde tenía llugar l’actu de conciliación.
Nel Dos Santos
This work is licensed under a Creative Commons Attribution 4.0 International License.
