Torna la tradicional Nueche Pinta; un vezu perantiguu y cuasique perdíu nel que’l pueblu asturianu asoleya les sos critiques y reivindicaciones al traviés de pintaes y pancartes nes cais de pueblos y ciudaes, faciendo públiques les sos demandes y protestes.

Nesta ocasión los oxetivos de la nueche pinta foron principalmente bancos, mutues y cientros de sanidá privao.

Mientres a los primeros se yos acusaba de “vampiros de la clas obrera” y “utres”, a les mutues tachábaseyos de “mercenarios de la patronal” y “mercaderes de la salú”.

Per otru lláu, nes istalaciones de la clínica Quirón llantaron una pancarta na que podía lleese “Quirón, asesina de la sanidá pública asturiana”. D’esta manera daba aniciu un ochu setiembre marcáu pola revindicación ciudadana y la reclamación de drechos pal pueblu asturianu. 

This work is licensed under a Creative Commons Attribution 4.0 International License.