Asturies Insumisa, organización qu’aconceya baxo’l so paragües a coleutivos que representen la disidencia asturiana, convoca un Ochu Setiembre revindicativu a mediudíi na Plaza’l Parchís
L’Ochu Setiembre, comu díi d’Asturies, nun tien de ser una xornada de folixa y autocomplacencia, sinón una ocasión pa facer rescamplar los problemes del país y reclamar soluciones. Más allá, dende Asturies Insumisa reclamen nesta fecha recuperar na so plenitú los drechos d’Asturies, comu clas trabayaora, comu ciudadanía y comu asturianos.
La situación precaria na que subsisten bona parte de los y les asturianes cientren el manifiestu que con motivu del Díi d’Asturies sopelexen dende Asturies Insumisa. Sanidá, mocedá, discriminación, educación pública, represión, pensiones o precariedá llaboral son dalgunes de les cuestiones que se traten nesti manifiestu, que sedrá lleíu públicamente nel actu convocáu pa les doce y media’l mediudíi mañana na Plaza’l Parchís, en Xixón, delantre de la conocida como Casa Blanca, que nel pasáu fuere la sede del Conseyu Soberanu.
This work is licensed under a Creative Commons Attribution 4.0 International License.
