La cabera actualización de la calidá de les agües de bañu d’Asturies, clasifica la sablera de la Franca nel conceyu de Ribedeva como non afayaiza pal bañu, acordies los datos espublizaos el pasáu 28 d’agostu
N’Asturies prohibese’l bañu, por razones de protección de la salú de los bañistes de resultes de la detección d’una calidá sanitaria deficiente de les agües de bañu. Pa envalorar esa calidá namás se controlen dos parámetros microbiolóxicos (Enterococo intestinal y Escherichia coli). Ello ye, que’l preslle del bañu en La Franca correspuende a la presencia de bacteries intestinales nel agua frutu de los continuos arramaos que se producen nos rios qu’acaben na sablera.
La Coordinadora Ecoloxista d’Asturies lleva años pidiendo al Conceyu, al Principáu y a la Confederación Hidrográfica’l control de los arramaos que se dean nos calces y na mesma sablera, ensin que se tomaren midíes para evitalos.
Alberto Rodríguez
This work is licensed under a Creative Commons Attribution 4.0 International License.
