Un asturianu/a cobra al añu 4.760 € menos qu’un madrileñu, 4.200 menos qu’un vascu, 2.400 menos qu’un navarru… 6.036 menos que l’europeu mediu
Acordies los datos que manexa’l ‘IX Monitor de Adecco sobre Salarios’, el salariu mediu n’Asturies ye de 1.799 €, frente a los 2.032 € de la Xunión Europea y a los 1.822 € de media del estáu español. Ello ye, un asturianu gana al mes 503 euros menos que la media nos países europeos, una brecha que medra añu tres añu y qu’a la llarga tendrá consecuencies tamién nes pensiones futures.
Esti añu ye la primer vuelta que la cifra asturiana cae tamién perbaxo la media estatal, 850 euros añales de diferencia, datu más esmoleceor pola tendencia que marca que pola cantidá mesma.
L’apueste polos servicios, con especial enfotu nel turismu, lleva a que’l mercáu llaboral asturianu abandonare seutores productivos d’altu valor añadíu, cientrándose n’emplegos de baxa cualificación con salarios ínfimos, qu’al xuntase coles miserables condiciones llaborales que’l Principado ufre a los sos funcionarios, especialmente no que cinca a ensiñanza y sanidá, da llugar un escenariu de probitú que va afeutando a tolos seutores y espulsando a la mocedá del país.
This work is licensed under a Creative Commons Attribution 4.0 International License.
