Un miércoles más, comu va más d’un añu ca caberu miércoles de mes, decenes de persones aconceyaron al pie la Gota Llechi a reclamar la fin de les violencies machistes
La pancarta col recuentu mensual de víctimes sigue medrando con un branu terroríficu nel que, de les 43 del mes de xunu pasamos a les 56 actuales, ello ye, foron trece muyeres les muertes a manes d’homes en namás un mes.
Tres de la intervención, qu’esi mes tuvo a cargu de l’Asociación de Pensionistes, lleéronse los nomes de les víctimes en respetuosu silenciu.
Sicasí, hebio dellos momentos de tensión na concentración, al presentase na concentración un home (na semeya con visera blanca) qu’entamó a sacar semeyes y grabar a los participantes. Nun yera la primer vegada qu’ocurria, siendo avezao qu’amás insulte a los manifestantes. Nesta ocasión foi identificáu pola policía.
Alberto Rodríguez
This work is licensed under a Creative Commons Attribution 4.0 International License.
