¡Espetaos!, el primer llibru la serie, ye una novela curtia, pero Susana Sela promete que los siguientes volúmenes van ser inda más extensos y ablucantes. Esta novela preséntase el 18 de Xunetu en Celsius 232

Nel inmensu y perprestosu universu de la lliteratura de fantasía y ciencia ficción, cada autor y autora apurri una perspeutiva propia, fresca y emocionante. Esto díes, Susana Sela Rodríguez, conocía na lliteratura asturiano polos sos llibros de poesía, da un pasu adelantre nel xéneru col so llibru ¡Espetaos! Una Invasión Escentellada.

Con esta obra, Susana somórguiamos nun mundiu enllenu d’humor, aventures alloriantes y personaxes alieníxenes colos que ye imposible nun garrar ciñu.

La hestoria entama cuandu una nave espacial extraterrestre espétase na Tierra, cayendo al mar y dexando a los sos personaxes esnortiaos y dixebraos pela redolada. Nesti primer llibru vamos saber cómo reaiciona Selgas, el capitán, y a lo llargu la serie descubriremos a los diferentes protagonistes, caún viviendo situaciones úniques y encadarmando la so vida de manera extraordinaria nel nuesu planeta. Cada volumen va empobinamos dica nueves y emocionantes aventures, mentantu que los llazos pente los personaxes enguedéyense y el sentíu l’humor recude pente les páxines.

¡Espetaos!, el primer llibru la serie, ye una novela curtia, pero Susana Sela promete que los siguientes volúmenes van ser inda más extensos y ablucantes. Col so estilu narrativu áxil, l’autora trespórtamos a un mundiu nel que lo imposible tien un requexu y lo absurdu gana xeitu. Cada páxina ye una invitación a rise y dexase llevar pol maxín.

L’autora tien previstu presentar el so llibru ¡Espetaos! Una Invasión Escentellada el día 18 de Xunetu n’Avilés, nel prestixosu festival Celsius 232. Esti eventu, reconocíu internacionalmente, axunta amantes la lliteratura fantástica y de ciencia ficción y acuta un espaciu pa la lliteratura n’estes estayes escrita n’asturianu, toa vuelta más bayurosa. 

¡Espetaos! Una Invasión Escentellada nun ye namái qu’un llibru, tamién ye una invitación a somorguiase nun universu d’humor, fantasía y ciencia ficción. Susana Sela tien entamao una serie que arranca sorrises, embarcándote nuna aventura enllena de prestosos personaxes y situaciones alloriantes. Y promete qu’esto ye l’entamu d’una aventura lliteraria enllena sospreses.

Nun te pierdas la oportunidá de somorguiate nel so mundiu máxicu y descubrir cómo estos personaxes alcuentren el so llugar na Tierra. Y tai sollertes, porque Susana tien semaos milenta proyeutos lliterarios na so mollera.

Redaición InfoAsturies

This work is licensed under a Creative Commons Attribution 4.0 International License.