Un bon día, la guapa Fionna de Morlay entamó un máxico viaxe que la llevó dende Eire fasta Asturies…
Fontoria ñació en 2017, 2018 foi un añu enllenu de conciertos y na seronda entamen a grabar el so primer trabayu “Nordés”, que diba ver la llume na primavera de 2019; abriendo camín a la idega de Maxi de llanzar un álbum cada añu, en 2020 dio vida al conceptual y progresivu El Viaxe Máxicu Viaxe de Fionna de Morlay, ispiráu na vida la so güela, con una llínia de sones más progresivos que dan al trabayu un halu conceptual, ya con Areñes a cargu de la producción. Siguiólo Sones del tiempu que nun foi, esi mesmu añu, un discu de Maxi en solitariu.
Tres d’elli, Sirio, un álbum doble con una suite de 74 minutos, del que nel 2022 editaríase una versión más completa y finalmente, Goetia, siguiendo la estela de los dos anteriores, allegándose al folk rock progresivu y siendo un trabayu conceptual al 100%..
A la espera del quintu, que yá ta en fornu, va pocu que tuvimos la oportunidá d’esfrutar d’un de los sos pocos conciertos -nun ye mui dau a ellos, comu ya fexo saber en delles ocasiones-.
¿A qué esperes pa merca-yos un discu o velos en conciertu? Tate sollerte, avisaremos dende InfoAsturies de toles novedaes.
Susana Sela
This work is licensed under a Creative Commons Attribution 4.0 International License.
