Güei ye’l primeru de los tres díes de movilizaciones convocaos y seique nesta primer xornada los paros son parciales, los díes 22 y 26 sedrán de 24 hores
Tres dellos meses d’aconceyamientos na mesa negociación, la cabera ayeri mesmo, nos que se treslladó a la empresa los problemes esistentes nel Grupu H&M (H&M, COS, OTHER STORIES, WEEKDAY) que requieren darréu una solución efeutiva por parte la empresa, y viendo qu’esta nun tien intención d’alcordar dalu avance, la plantiya d’estes tiendes de ropa covoca movilizaciones qu’entamen güei y continuarán a lo llargo’l mes.
La precariedá llaboral súmase a la non sustitución de persones en baxa o escedencia, prevocando escasez de plantiya y sobrecarga de trabayu, especialmente cara a les temporaes de rebaxes, siendo esta una de les principales causes d’estes movilizaciones, ya que, según declaren, les trabayaores n’activu nun pueden aguantar el ritmu impuestu pola falta de personal.
Nel aconceyamientu cellebráu esti llunes 19 de xunu la empresa ufrió dalgunes meyores, pero mui per alto, ensin concretar y nun siendo abondes comu pa que la fuelga se desconvocare.
Pa güei 20 de xunu tan convocaos paros parciales, de 11:00 a 13:00 y pela tardi de 20:30 a 22:30. Casu de nun recibir una rempuesta convincente per parte la empresa, los díis 22 y 26 de xunu cellebraránse sendes fuelgues xenerales pa presionar a la direición de la mesma.
Alberto Rodríguez
This work is licensed under a Creative Commons Attribution 4.0 International License.
