“Bandera negra” ye la calificación qu’Ecoloxistes n’Aición otorguen añalmente los puntos más puercos de la costa del Estáu; la Regasificadora d’El Musel y la Sablera Bañugues tan ente los 48 piores

La Regasificadora d’El Musel y la Sablera Bañugues son dos de los casos m ás significativos de contaminación y mala xestión ambiental de la mariña nel Estáu español, tal comu recueyen nel so informe sobro situación de la costa Ecoloxistes n’Aición, que ca añu, dende’l 2005, entreguen estos distintivos a los puntos prietos de la costa. Un total de 48 banderes prietes que s’entregaron esti añu, munches d’elles direutamente venceyaes a la turistificación y urbanización del llitoral. 

Seique equí tenemos daños xeneraos pola turistificación les dos “galardonaes” n’Asturies fóronlo por otros motivos. La primera, pa la planta regasificadora d’Eneagás nel Puertu d’El Musel pola so «mala xestión», al tar intentando poner en marcha una “Infracadarma illegal ya innecesaria, amás incumpliendo de nuevu los trámites necesarios pa ello” polo que dende Ecoloxistes n’Acción interpusieron un recursu d’alzada, ya almitíu a trámite pol Tribunal Superior de Xusticia de Madrí. 

La segunda ye pa la sablera de Bañugues, nel Conceyu de Gozón, por “contaminación a causa de vertidos”, otra cuestión que lleva muncho tiempu siendo denunciada por vecinos y grupos ecoloxistes. 

Susana Sela