Mañana entama un proyeutu qu’avera a la reciella de Sotrondiu un de los esportes tradicionales que más espardiu tuvo, pero que nun ta viviendo los sos meyores momentos en cuantes a relevu xeneracional: la cuatriada
En Sotrondiu en concretu la cuatriada ta bien viva, siendo elli la sede de la Peña Sotrondiu, ganaora del Campionatu nacional de cuatriada del añu 2.022 y finalista d’esta edición. Ellos sedrán los encargaos de dar a los neños y neñes a partir de los ocho años que participen nesti taller de tres díes nos que averase a los bolos asturianos y ¿Quién sabe? quicias descubrir una vocación esportiva que siga p’alantre. La cita son los xueves ocho, quince y ventidós de xunu, a les 18:15 hores, previa iscrición na Oficina Xoven de la Casa la Xuventú en Sotrondiu.
Alberto Rodríguez
This work is licensed under a Creative Commons Attribution 4.0 International License.
