Esiste solución por métodos biolóxicos pa les plagues que carecen les castañales asturianes, pero la política del gobiernu de Barbón ye arrasar los castañeos ya invertir les perres en cures pa los ocalitales privaos

N’Asturies, acordies al 4 inventariu forestal, hai 80.500 hectárees de castañales, afeutaes por fongos y plagues cuasi dafechu y abandonaes al debalu.

Dos son los grandes enemigos que tan diezmando los castañeos asturianos, el  fongu Cryphonectria parasitica y la viesporina de la castañal, Dryocosmus kuriphilus, la plaga de mayor gravedá nes castañales a nivel mundia, presente n’Asturies de magar l’añu 2014.

Los dos puen combatise con métodos de control biolóxicu, la primera con una  consistente na inoculación de cepes hipovirulentes enos árboles que presenten cepes virulentes causantes de la enfermedad -sistema que ta utilizándose n’otres partes d’Europa con ésitu- y la segunda mediante sueltes del parasitoide Torymus sinensis, midía que s’aplicó mui insuficientemente n’Asturies. 

Frente a estes formes de control inocues pal equillibriu mediu ambiental, la política del Principado coles castañales enfermes ye’l baltu indiscrimináu de cientos de castañales, eliminando tolos árboles d’edá maura de grandes zones, afeutando mui especialmente al Parque Natural de Redes. 

Entantu, l’enfotu y presupuestu del Principado ta dirixíu va cuasique diez años a la produción en llaboratoriu del parasitoide Anaphes nitens, destináu a atacar la plaga de Gonipterus platensis que carecen los cultivos privaos d’ocalitu. 

Susana Sela

This work is licensed under a Creative Commons Attribution 4.0 International License.