Güei, que vien de decidise continuar dexando’l gobiernu d’Asturies en manes de sucursales de Madrí, convién recordar que 206.910 asturianos tan en riesgu de probitú

Acordies l’informe de la Rede contra la Probitú y la Esclusión un cuartu de la población asturiana sigui ensin tener posibilidá de llevar una vida digna, nun pudiendo facer frente a cuestiones comu gastos imprevistos o mercar un segundu par de zapatos. Los asturianos probes pasaron de ser 142.578 nel añu 2009  o 175.555 en 2015 a 206.910 nesti añu, una progresión inversa a la del númberu de moraores que la fae porcentualmente más grave.

La renta media por persona cayó 231 euros dende l’añu 2009 y la renta media por unidá de consumu ye de 593 euros añales menos que va 25 años, ello ye, les families tienen agora menor disponibilidá económica, cuando los precios nestos años multiplicaron, evidenciando una xabaz perda de capacidá alquisitiva y poro, de nivel de vida.

Alberto Rodríguez

This work is licensed under a Creative Commons Attribution 4.0 International License.