Bilbao deprende Xixonomía

  • 8 Mayu, 2023

Visita Xixón estrena la esposición nueva de Xixonomía a la feria de turismu Expovacaciones, que se cellebró del 5 al 7 de mayu en Bilbao.

Esta fin de selmana, Bilbao conoció a los y les bañistes de la ramplina, al pescaor Enzo y a la so fía Elsa, a los y les cachopers, a les persones del tostaeru y a los romanos sidreros… Visita Xixón desembarcó con fuercia na feria de turismu Expovacaciones, que se cellebró del 5 al 7 de mayu, con una exposición nueva sobre la Xixonomía y el so tratáu.

Visita Xixón yá ye avezao nesta feria, qu’amuesa una ufierta turística y de vacaciones a los más de 70.000 asistentes qu’asistieron al Bilbao Exhibition Center a lo llargo de los tres díes.

La feria vizcaína ye estratéxica pa Visita Xixón, yá que los y les vasques representen, col 10% de los visitantes, el tercer mercáu emisor de turistes a la ciudá asturiana.

Los que s’averaron al stand de Xixón pudieron conocer la ufierta turística de la ciudá y participar en sorteos de caxes sorpresa de Xixonomía y productos gastronómicos. Arriendes d’ello, munchos pasaron (con estremaos resultaos) un esame de Xixonomía, participando nun sortéu d’un viaxe a la Villa de Xovellanos.

Alberto Rodríguez


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies