El sector más tradicional d’Asturies a piques de desapaecer pola falta d’implicación d’un gobiernu que nun quier apostar pol campu
El campu asturianu lleva décades en crisis, pero los sucesivos gobiernos que vien careciendo Asturies nun planteguen dengún plan pa solucionalo, sofitando nes fasteres rurales sectores comu’l turismu, al tiempu que se desdexa los que foron los exes principales de la economía asturiana, ganadería y agricultura. Les consecuencies non son solo económiques, sinón poblacionales, forciándose a la población al abandonu de los pueblos al faltar mou de vida y los servicios más básicos.
Estes cuestiones llevaron a ganaderos y agricultores a realizar abondos actos revindicativos, destacando’l manifestamientu d’avientu del 2021 nel que 585 tractores y cerca diez mil persones reclamaron n’Uviéu l’atención de Barbón, que, de fechu, enxamás retrucó a los riquerimientos del sector.
P’Asturies Ganadera, esta crisis permanente tien comu responsables al Gobiernu presidíu por Adrián Barbón, que, denuncien, lléndase a repartir -y repartir mal- los fondos agrarios del PAC, ensin poner en marcha denguna midía concreta y eficiente pa solucionar problemes comu la devolución de los montes comunales o l’afitar precios xustos.
Pel so llau, acusen a los sindicatos agrarios “mal llamaos representativos, ASAJA, COAG y UCA”, de nun defender los intereses del campu sinón “a cambiu d’una riestra de sovenciones y prebendes, más de 700.000 euros nesta llexisllatura, dexáronse silenciar, convirtiéndose n’estructures prácticamente inútiles”.
Alberto Rodríguez
This work is licensed under a Creative Commons Attribution 4.0 International License.
