Carme Pérez Antolín: “Nun val con condolenos coles víctimes y les sos families, si nun denunciamos el raigañu del problema. La llexisllación nun ye suficiente”

La concentración mensual de denuncia de les violencies machistes tornó a aconceyar a decenes de persones al pie de la Gota Llechi con una pancarta de númberos crecientes que llega ya al 29. Cuasique trenta muyeres asesinaes no que va d’añú pol fechu de selo, nueve más nel caberu mes, un andanciu que nun apara y que lleva per delantre munches vides, estrozando munches families, ante la impasibilidá d’unes autoridaes que, comu denunció Carme Perez Carme Pérez, d’Andecha Astur -una de les nueve organizaciones que formen parte de la Plataforma contra les Violencies Machistes- na so intervención, nun ponen l’enfotu nin los medios abondos pa frenar esta sangría. Porque, aporfió, a l’asesinatu nun se llega de primeres, anantes pásase por munches fases de violencia y abusu nes que les muyeres nun tienen el sofitu nin los medios pa protexese.

Tres de la intervención tuvo llugar un momentu d’intensa emoción nel que tres muyeres d’ente los 16 y los 80 años lleeron los nomes de toles asesinaes coles sos edaes, que van de los 8  y 17 años de les más moces a los 87 de la mayor, amosando que la violencia sobre les muyeres nun tien edá y afeuta a toes.

Que nun s’escaezan lo sos nomes.

Susana Sela

This work is licensed under a Creative Commons Attribution 4.0 International License.