• Portada
  • >
  • Mediu Ambiente
  • >
  • La Coordinadora Ecoloxista d’Asturies y el Colectivu Ecoloxista d’Aviles sollerten de qu’Avilés tien calidá del aire desaxeradamente desfavorable, con valores disparaos de partícules

La Coordinadora Ecoloxista d’Asturies y el Colectivu Ecoloxista d’Aviles sollerten de qu’Avilés tien calidá del aire desaxeradamente desfavorable, con valores disparaos de partícules

  • 19 Abril, 2023

De magar l’episodiu de contaminación nel que tamos somorguiaos, les peligroses partícules amuesen concentraciones elevaes n’Avilés, polo tendría de procedese a avisar a la población de la contaminación del aire en el conceyu nel so nivel de Alerta d’alcuerdu al Real Decreto 34/2023.

Les partícules de menos de  10 micres lleven 2 díes fora de rangu en  les estaciones del Quirinal y les Arobias, algamándose ayeri n’Avilés valores espectaculares, de  652 µg/m3 , lo que da idega de la gravedá del problema, cuando’l valor de referencia pa la OMS pa esti contaminante son 15 µg/m3.

Dende la CEA consideren que l’actual situación constitúi una emerxencia pa la salú pública, cuidao que la población entera pue vese seriamente afeutada en base al Índiz Nacional de calidá del Aire, espublizáu na web del Ministeriu pa la Transición Ecolóxica y el Retu Demográficu pa les micro partícules Pm10. Sicasí hasta agora nin el Principáu nin el Conceyu alvirtieron a la población d’esti riesgu.

Llegalmente, el RD 34/2023 recueye que “cuando se supere o se prevea que se va a superar l’estragal d’información o d’alerta del anexu, les alministraciones competentes van adoptar les midíes necesaries d’urxencia y van informar a la población”. 

En el Colectivu Ecoloxista d’Avilés  denunció repitíes vegaes que la contorna d’Avilés  vien presentando  de los peores datos en contaminación del aire por partícules d’España, daqué que se repite nos últimos años “a pesar de les trampes que fai’l Principáu de camudar d’allugamientu les estaciones que peores datos dan”, denuncien.

Destaquen la inoperancia  de les Alministraciones responsables de la xestión, l’executivu rexonal y  el Conceyu de Castrillón y el d’Avilés, poniendo en peligru salú pública “na actualidá, la cantidá y calidá de los estudios que demuestren cómo afecta la contaminación ambiental a la salú de les persones, al desenvolvimientu de les funciones cognitives en menores d’ocho años y a la calidá de vida d’una población, nun pueden ser resalvaos por una clase dirixente que nun adopta les midíes necesaries poniendo asina en peligru a la población”.

Tambien resalten los venceyos esistentes ente’l cambéu climáticu y la calidá del aire, una y bones les condiciones d’estabilidá atmosférica previstes enzanquen la dispersión de contaminantes; per otru llau, l’aumentu na frecuencia d’episodios d’altes temperatures y mayor sol, favorecen la formación d’ozonu troposféricu; y la medría de la desertificación que contribúi a la xeneración de nubes de polvu desérticu, afeutando negativamente a la calidá del aire.

 

Alberto Rodríguez


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies