Los funcionarios, que pararon ayeri y van parar mañana, piden meyores salariales y alcordar la llei d’eficiencia
El siguimientu de la fuelga de funcionarios de xusticia que tuvo llugar ayeri de 10 a 13 hores cuntó con un siguimientu del 81% de el trabayadores, teniendo una importante repercusión nel desenvolvimientu de l’actividá nos xulgaos, al retrasar entá más los trámites nun sistema xudicial yá llentu de por si. Na mesma participaron dende forenses a personal de xestión, personal de los cuerpos de procesal y ausiliu asina comu técnicos de llaboratoriu del Institutu de Medicina Llegal y Forense, en total unos 1.400 trabayadores que, amás, concentráronse a les puertes de los palacios de xusticia d’Uviéu y Xixón. Mañana miércoles va tener llugar otru paru, nesta ocasión total
Les vindicaciones algamen dos frentes bien. Per un llau reclamen la paralización de la llei orgánica d’eficiencia organizativa, a piques de la so tramitación nes Cortes ensin ser alcordada polos afectaos, y que camuda y perxudica bultablemente les condiciones llaborales de la plantiya. Pel otru, reclamen meyores salariales d’ente 350 y 430€, daqué que yá consiguieron los lletraos de l’Alministración de Xusticia (LAX) tres la fuelga xeneral de dos meses. Tamién reclamen el pagu de la carrera profesional, previstu na llei dende 2018 pero ensin desendolcar dende entós.
Alberto Rodríguez
This work is licensed under a Creative Commons Attribution 4.0 International License.
