El viniente xueves 13 d’abril, a les 19:00 h., nel Palaciu Valdecarzana (Avilés), Asturies Insumisa entama una charra-alderique, na que, col títulu “Les nueves realidaes de la clas obrera”, van analizase les nueves formes de contratación que tán escomenzando a facese realidá y les nueves rellaciones llaborales que traen asociaes
Nella sentiremos les desplicaciones de dellos trabayaores que carecen en propia piel les nueves formes de relaciones llaborales qu’escuenden tamién nueves precariedaes. En concretu participarán Juan Carlos, trabayador raider, Cristina, trabayadora de telemárquetin y Rubén, trabayador de la hostelería. Con ellos tará José Báquer, abogáu llaboralista, falando del marcu llegal nel que s’encuadren estes realidaes.
Abril Insumisu son xornaes que s’esparden per tol mes d’abril y nes que se tan tocando dellos temes revindicativos, sociales y d’actualidá, que culminarán con una xornada d’arruelu revindicativu na que se presentará oficialmente Asturies Insumisa, organizadora de les mesmes y que presllará les actividaes con un conciertu.
Asturies Insumisa ye una asamblea que ta construyida por un gran númberu de persones pertenecientes a múltiples organizaciones de toa índole, venceyaes a la llucha obrera de toa Asturies, un espaciu abiertu onde cualquier persona o colectivu d’Esquierdes Asturianu pue participar.
Nel Dos Santos
This work is licensed under a Creative Commons Attribution 4.0 International License.
