• Portada
  • >
  • Llingua
  • >
  • La Primer Sidre l’Añu aconceya a más de 12.000 sidreros

La Primer Sidre l’Añu aconceya a más de 12.000 sidreros

  • 10 Abril, 2023

La espichona cola que se da a conocer la sidre nuevo de los llagares asturianos fae una perbona llabor por caltener vivo la tradición y cultura’l país

L’asistencia a la treceava edición de la Primer Sidre l’Añu foi masiva, con más de dolce mil persones visitando’l Pueblu d’Asturies, convertíu por cuatro díes na sede d’una super espichona na que se dieron alrodiu mediu centenar de palos de sidre, de los que se consumieron na menos que 22.000 llitros.

La Fundación Asturies XXI, organizadores d’esti eventu, busca recuperar con elli l’espíritu de les espiches de primavera de tola vida, nes que se diba a los llagares a probar la sidre nuevo, reivindicando la sidre sobre la madre, ello ye, ensin trasegar. Pero esa nun ye la única tradición que tan recuperando: usar la maera nos toneles, comu desixe l’únicu Concursu de Sidra Casero Fecho en Maera del país , echar la sidre correchamente anque nun seyas un profesional, comu ficieron los participantes nel Concursu d’Echaores aficionaos y nos talleres d’echar sidre, canciar mentantu se bebi, con actuaciones de Cancios de Chigre, recuperar el baille’l país…

Pero sobre tou, facelo tou utilizando l’asturianu comu llingua, tantu nes comunicaciones cola prensa comu na cartelería, intervenciones, charres y atención al públicu, amosando que nun hai problemes pa utilizar la nuesa llingua comu vehicular en grandes eventos, mesmo cola abondosa presencia de turistes qu’averaron a la PSLA a conocer la cultura asturiana en vivo.

 

Ye de destacar el llabor fecho cola reciella, pa la que s’organizaron xuegos tradicionales, talleres d’echar sidre, de facer paxos y de mayar, averándolos a la cultura asturiana y falándose-yos en tou momentu n’asturianu con absoluta normalidá.

Aparte, tamién nel marcu de la Semana Santa Sidrera, tuvo llugar el Sidracrucis, la propuesta llaica, asturiana y folixera pa sustituyir les procesiones relixoses importaes d’España.

 

Susana Sela

 


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies