El llagar de Nava repite comu campión nel únicu concursu que valora la sidra sobro la madre, ello ye, ensin trasegar
Esta tarde tuvo llugar na Sidrería La Montera Picona la fase final del Concursu de la Meyor Primer Sidre l’Añu. A ella concurrien les siete sidres finalistes escoyíes en tastia ciega’l pasáu 31 de marzu, siendo estes les de los llagares: Acebal (Xixón), Arbesú (Siero), El Duque (Xixón), Germán (Avilés), Fonciello (Siero), Orizón (Nava) y Roza. A la final asistieron los llagareros de toos estos llagares, lo que contribuyó a añedir emoción a la competición, que se realizó pol sistema de tastia ciega, pudiendo saber solamente’l públicu a que sidra correspondien les puntuaciones.
Les deliberaciones del xuráu, presidíu por Manuel G. Bustu y compuestu amás por Armando Loredo, Joaquin Fernández y Donato Joaquin villoria, fueron intenses, cuidao que les puntuaciones fueron bien averaes y namás na segunda ronda definióse Sidra Roza comu ganadora, quedando Sidra Arbesú de segundes, a namás un puntu de ventaya.
La sidre ganaor va ser la oficial de la XII Primer Sidre l’Añu, apurriéndose’l premiu esta mañana mientres la inauguración de la Primer Sidre l’Añu, a la una’l mediudíi, dando entamu a la que ye la mayor espicha del país. El pregón sedrá a cargu del cantante Vicente Díaz, que va interpretar el so cantar “Qué tien esa sidrina que sabe tan bien”.
Darréu va apurrise’l premiu a Juan Roza el premiu del Concursu la Meyor Primer Sidre l’Añu, realizándose’l solemne echáu del culín inagural, que va correr al cargu d’Alejandra Venegas, escanciadora na Montera Picona y concursante nel Campeonatu d’Escanciadores.
Susana Sela
This work is licensed under a Creative Commons Attribution 4.0 International License.
