Güei espublízase nel BOPA’l rexistru de la marca Alfaya, qu’identifica a les marques qu’utilicen nel so llabor les llingües d’Asturies
La Conseyería de Cultura, Política Llingüística y Turismu vien de crear la marca denomada “Alfaya, marca asturiana d’usu llingüísticu”, con un llogotipu que sedrá utilizáu comu distitntivu pa reconocer les empreses qu’usen l’asturianu en cualisquiera de les sos variantes nel desendolcu de la so actividá profesional. Pa consiguir esti sellu envaloraráse’l gráu de normalización del usu, presencia y xestión llingüística.
Fasta agora nun se conoz si esta marca va llevar asociada dalguna triba de beneficiu pa les empreses y profesionales que l’algamen, más allá del fechu de reconocer el de por sí evidente usu de la llingua por parte d’eses entidaes. Son ya abondes les voces que s’entruguen esto mesmo, rescamplando que’n casu de nun tener más repercusión que la marca en si, l’aniciativa tendría’l pesu d’un repartu de pegadielles col qu’aparentar que se fae daqué pol asturianu, pero ensin más conteníu que’l puramente propagandísticu-elleutoral, por parte d’una alministración que sigui ñegando la prometía oficialidá a tolos asturianos.
Alberto Rodríguez
This work is licensed under a Creative Commons Attribution 4.0 International License.
