El movimientu que reclama una meyor xestión de la Sanidá Pública Asturiana tornó a aconceyar a miles de persones nun manifestamientu’n Xixón

El movimientu pola sanidá pública asturiana volvió a las cais esti fin de selmana, n’otru multitudinariu manifestamientu, asemeyáu al que percorrió les cais d’Uviéu el pasáu 26 de febreru y que salió de la Plazuela San Miguel a les 17:30 de la tardi.

Nuna amuesa de dignidá y claridá d’idegues, l’Asociación de Trabayaores Asturianos de la Sanidá aporfiaron en que “Nun ye por dineru, conseyeru”, n’alusión a les meyores retributives ufríes pol SESPA, qu’ascienden a 23 millones d’euros pero que nun contemplen soluciones pa los problemes de xestión que carez el sistema públicu de salú: llistes d’espera, respetu polos descansos, calidá asistencial de los pacientes, disponibilidá de recursos, conciliacion familiar del personal, pente otros.

Sobretou, revindiquen blindar el serviciu públicu frente a la progresiva privatización del sistema sanitariu y la participación de la ciudadanía na toma de decisiones sobre’l futuru del mesmu.

Redaición InfoAsturies