Cuasi 9.000 rapacinos asturianos nun tienen mélicu asignáu

  • 15/03/2023

El caberu informe estatal de l’Asociación Española de Pediatría d’Atención Primaria recueye qu’Asturies tien un 6% de places vacantes na especialidá qu’atiende a la reciella

L’Asociación Española de Pediatría d’Atención Primaria (AEPap) denuncia que n’Asturies hai 8.988  menores que nun tienen un pediatra asignáu al qu’allegar, según datos del Institutu Nacional d’Estadística actualizaos a febreru de 2023. Asturies cunta con un 6% de places de Pediatría vacantes, datos piores que los recoyios va un añu.

Tocantes a les consideraes “places de mala cobertoria”, esto ye, aquelles más alloñaes a les zones urbanes, Asturies ye unu de los ocho territorios del estáu nos que nun s’apliquen nin s’entamen midíes de incentivación pa los sanitarios.  

Per otra parte, énte la escasez de médicos la Universidá d’Uviéu caltien los númberos clausus, torgando la formación de más profesionales de la salú, les places MIR siguen enllancaes y les condiciones llaborales de los sanitarios asturianos siguen bien perbaxo de les de los sos colegues europeos ya inclusive españoles. 

La falta d’atención sanitaria a neños y adolescentes tampocu val d’incentivu pa que les families decidan quedase a vivir n’Asturies. 

Alberto Rodríguez

Comparti esta noticia

This work is licensed under a Creative Commons Attribution 4.0 International License.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

InfoAsturies

noticies d'Asturies
n'asturianu

Actualidá de los conceyos, llingua, cultura, economía, mediu ambiente y derechos sociales.

Quién somos y llinia editorial

Esti sitiu utiliza cookies. Consulta la política de cookies pa conocer los sos usos.

ACEPTAR
Aviso de cookies