La recoyía en change.org ye parte de la campaña contra la istalación indiscriminao de molinos eólicos y pa conseguir una moratoria en materia d’esplotación d’enerxía eólica terrestre, eólica marítima y fotovoltaica
La falta d’un marcu normativu qu’asegure la proteición de los ecosistemes y la biodiversidá del paisax, del padremuñu hestóricu, cultural y arqueolóxicu, de les actividaes del seutor primariu y, en xeneral, del mou de vida de l’Asturies rural, fae posible que se roblen concesiones a parques eólicos que perxudiquen bultablemente a los asturianos nel so conxuntu y a los vecinos de los llugares onde s’istalen mui particularmente, poniendo en pelligru los sos trabayos y formes de vida. Con ello, razonen dende Andecha Astur, afóndase nel problema del despoblamientu y del desemplegu, al mesmu tiempu que se causen firies irreparables a la ñatura ya’l padremuñu asturianos, beneficiando namás a los oligopolios enerxéticos.
La moratoria taría vixente entantu nun se cunte con un Plan Estratéxicu de Recursos y Necesidaes Enerxétiques, que determine recursos, necesidaes y la combinación de formes de produción enerxética afayaices.
Pa la formación nacionaliega ye urxente un debate social nel se negocie l’apertura de fasteres eóliques marítimes col seutor pesquerum ya que les fasteres eóliques marítimes asturianes presentaes nel BOE tan agore mesmu planificaes dientru de reserves pal caltenimientu de la biodiversidá marina.
Redaición InfoAsturies
This work is licensed under a Creative Commons Attribution 4.0 International License.
