Acullá de la gracia que tien qu’un campus asturianu se llame Mexastur, lo cierto ye que’l fechu d’escoyer esti nome implica la esistencia nos representantes de la Universidá uvieina d’una sencia intrínsicamente colonialista que los fai actuar con total ignorancia y despreciu de la identidá del país onde desendolca’l so llabor
Opinión
Marcos Abel Fernández
Cualisquier asturianu decátase aína de lo poco afortunao d’esi nome pal campus dao la inevitable referencia miccional, y de xuru propondríe alternatives con resonancies menos urinaries. Asturmex, ensin dir más lloñe, nun tien denguna d’eses connotaciones y xunce tamién –como paez pretendese- el compromisu astur-mexicanu.
Que dengún responsable de la Universidá d’Uviéu reparare nes implicaciones de tan diuréticu apelativu, espeya -coñes aparte- el grau d’estrañamientu d’esa istitución y los sos responsables pa cola sociedá asturiana.
Tan ridículo como llamentable.
This work is licensed under a Creative Commons Attribution 4.0 International License.
