• Portada
  • >
  • Conceyos
  • >
  • Xixón va acoyer el V Alcuentru de Xestores de la rede de Destinos Turísticos Intelixentes

Xixón va acoyer el V Alcuentru de Xestores de la rede de Destinos Turísticos Intelixentes

  • 3 Marzu, 2023

Va cellebrase del 9 al 11 mayu y va axuntar a más más de 150 xestores d’un centenar de destinos

Depués de llegar a ser finalista pa Capital Europea del Turismu Intelixente, Xixón va convertise del 9 al 11 mayu na sede del V Alcuentru de Xestores de la Rede de Destinos Turísticos Intelixentes (DTI).

L’envís d’esti alcuentru ye axuntar a más de 150 xestores de cuasi un centenar de destinos integraos na Rede DTI pa la xeneración de sinerxies, la tresferencia de conocimientu y l’intercambiu d’esperiencies ya inquietúes pa la puesta en comuña del trabayu desendolcáu nos sos territorios. Coles mesmes, va realizase la presentación de buenes práutiques nueves, talleres d’espertos y sesiones de los grupos.

Anguaño, la Rede de Destinos Turísticos Intelixentes suma 618 miembros: 437 destinos, 87 miembros institucionales y 91 empreses collaboraores y 3 observadores internacionales.

El proyeutu de Destinos Turísticos Intelixentes, entamáu pola Secretaría d’Estáu de Turismu, al traviés de SEGITTUR, tien como envís ameyorar la xestión de los destinos, per aciu l’impulsu de la tresformación dixital, a la que quier impulsar un desarrollu sostenible del turismu y asegurar la satisfaición de los turistes y ameyorar les condiciones de vida de la población.

SEGITTUR exerce los llabores de Secretaría Téunica de la Rede DTI y la xestión del proyeutu Destín Turísticu Intelixente. Un apueste por un modelu de desarrollu turísticu basáu nos conceutos de gobernanza, anovación, teunoloxía, sostenibilidá y accesibilidá col que garantizar el presente y el futuru’l turismu. Un modelu que tien el reconocimientu internacional de muérganos ya instituciones de sonadía como la OMT, la OCDE, el BID o la WTTC.

Xixón, Destín Turísticu Intelixente

Xixón xunióse al proyeutu Destinos Turísticos Intelixentes en 2020. Na primavera de 2020 fízose l’Informe Diagnósticu y Plan d’Aición pa la so tresformación en Destín Turísticu Intelixente. Xixón superó los requisitos esixíos pola metodoloxía de SEGITTUR, lo que supuso la obtención del distintivu de Destín Turísticu Intelixente.

La conversión de Xixón nun Destín Turísticu Intelixente supón una actualización del destín sobre cinco pilares estratéxicos, como son la gobernanza, l’anovación, la teunoloxía, la sostenibilidá y l’accesibilidá.

Alberto Rodríguez

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies