La Xunión de Consumidores d’Asturies alvierte de que Cajastur-Liberbank-Unicaja ta cobrando comisiones en cuentes contrataes comu llibres de comisiones
La entidá bancaria actúa pol avezáu sistema de”probar a ver si cuela”, cargando por defeutu nes cuentes de los sos veceros la comisión de caltenimientu de 25 euros mensuales que namás se devuelven, y con munchu atrasu, nos casos nos que’l veceru se decata del error y reclama.
La voz d’alarma dióla un usuariu de l’actual UNICAJA de Pravia, quien teniendo un contratu llibre de comisiones y cumpliendo pel so lláu con toles condiciones alcordaes recibió na so cuenta el cargu de 25 € por comisiones y tuvo que personase fasta en tres ocasiones na nomada sucursal pa que l’abusu fore reconocíu pola entidá y se-y devuelvan les perres.
Dende la Xunión de Comerciantes alvierten de que con esti método pueden tar arriqueciendo de forma illícita coles perres de los sos veceros, “a los qu’engaña a costafecha, a sabiendes de que por 25 € muncha xente desiste de reclamar”.
Redaición InfoAsturies
This work is licensed under a Creative Commons Attribution 4.0 International License.
