El 10 de marzu el Museu Arqueolóxicu d’Asturies acoyerá la II edición de les Xornaes Culturales “GAVDIOSA”, entamaes pola Asociación Cultural Gaudiosa 

Tres l’esitu de la pasada edición nel Archivu Hestóricu ya’l Muséu de Belles Artes d’Asturies, l’Asociación Gaudiosa entama estes segundes xornaes con una bayurosa programación de visites guiaes, charres y actividaes.  
El claustru del Muséu Arqueolóxicu ye l’escenariu escoyíu pa un espectáculu d’espàdes y una velada de poesía cola que se rematará estes xornaes d’hestoria, cultura y arte.

La entrada ye de baldre pero delles actividaes riquieren iscripción previa por control d’aforu. 
L’Asociación Cultural Gaudiosa tien pente los sos fines l’espardimientu de la hestoria, la cultura y la esgrima hestórica como arte marcial, d’una manera muy lligao al ámbetu social, cultural, académicu ya istitucional del país.
A traviés de la escuela “Gaudiosa Esgrima Hestórica”,  enséñase y espárdese esta disciplina na que s’apliquen unos conocimientos teóricos pa perfeccionar la práctica del arte del combate con espada, y que amás ye un de los pegoyos de les sos actividaes.

Alberto Rodríguez

This work is licensed under a Creative Commons Attribution 4.0 International License.