• Portada
  • >
  • Sanidá
  • >
  • 171.000 asturianos paguen seguru privau ante’l desaniciu de la Sanidá Pública

171.000 asturianos paguen seguru privau ante’l desaniciu de la Sanidá Pública

  • 20/02/2023

La progresiva desatención sanitaria emburria a los asturianos -los que pueden- a l’atención privao. El númberu d’asturianos con seguru de salú privau duplicóse’n diez años 

El progresivu desaniciu de la sanidá pública asturiana lleva a la desapaición del sistema públicu de salú, xenerando una fuerte discriminación pente los que puen pagase la sanidá privada y los que, pesi a en munchos casos llevar décades cotizando p’asegurase l’atención sanitaria, tienen de conformase con una atención de segunda. La Sanidá pública va camín a convertise n’asistencial, comu resultáu de llargues décades de desinversión y reconversión del sistema sanitariu públicu d’Asturies, un procesu del que son responsables los estremaos partíos españoles que, colos criterios más contundentes del mercantilismu lliberal, gobernaron y gobiernen la sanidá n’Asturies y nel Estáu español.

Les primeres consecuencies d’estes polítiques son los muertos y los enfermos desatendios; d’ellos nun tenemos estadístiques. De los que si tenemos cifres ye de los asturianos que pueden permitíselo y deciden contratar un seguru priváu de salú, pasando a pagar polo que se supón que tienen drechu a recibir de baldre; son más d’un 17% de la población, un de ca seyes asturianos, acordies el caberu informe d’Unespa. El duple de contrataciones que va una década.

Redaición InfoAsturies

Comparti esta noticia

This work is licensed under a Creative Commons Attribution 4.0 International License.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

InfoAsturies

noticies d'Asturies
n'asturianu

Actualidá de los conceyos, llingua, cultura, economía, mediu ambiente y derechos sociales.

Quién somos y llinia editorial

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies