Parte metereolóxicu 17 febreru

  • 17 Febreru, 2023

Vienres 17 de febreru, 2.023

@eltiempunasturies

Bonos díes, bona xente.
Alborecemos col cielu poco nuboso o escampláu con delles nublines no fonderu los valles ya con unes temperatures que tan alrodiu de los 6ºC, rexistrándose nel puirtu Payares 3,5ºC.
Güei volveremos a esfrutar del sol y el calorín del mediudía con unes temperatures que camudarán poco ya col aire que sedrá sele ya variable.
Mañana sábadu vamos tener un día mui asemeyáu, sicasí’l cielu va tar más llimpiu y les temperatures másimes subirán una migayina más. De nueche surdirán borrinos y nublines no fonderu los valles y l’aire seguirá siendo sele ya variable.
El domingu entamará a soplar dalgo’l nordés y pela tarde vamos tener dalguna nube más con unes temperatures másimes que n’esti casu baxarán llixeramente.
El llunes vamos tener nubes ya claros col cielu más tapecíu de tarde y el martes estropiase con dalguna lluvia pero con temperatures suaves.
De cara a los siguientes díes hai posibilidaes de tener una ivernada con precipitaciones abondoses, temperatures en descensu bultable y nieve pela cordelera qu’inclusu pue llegar al llanu pero esto yá lu diremos viendo.
Que paséis un bon vienres y una bona fin de selmana collacies ya collacios.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies