Alborecemos con dalguna nube alta ya con unes temperatures condicionaes pol vientu ábrigu, onde temos abellugaos d’él ronden los 2-3ºC y onde tenemos más espuestos tan ente los 9-10ºC, rexistrándose nel puirtu Payares 1,2ºC.
Güei vamos tener el cielu dalgo empuercáu de nubes altes empobinaes pol vientu ábrigu con unes temperatures que siguen subiendo y que mos van dexar un ambiente primaveral nes hores centrales del día. L’aire sedrá sele de componente sur.
Mañana miércoles tendremos dalgunes nubes tamién entemecies ente dellos claros con vientu sele ya variable pero con tendencia a ser del nordés, les temperatures camudarán poco y l’ambiente seguirá siendo primaveral nes hores centrales del día. Situación que va estendese lo que queda de selmana.
Más a llargu plazu entamen yá a vese cosines nos modelos metorolóxicos, productu del calecimientu de sópitu estratosféricu que va producise los prósimos díes que conseguirá propagarse hacia l’atmósfera formando grandes anticiclones polares y dixebrando’l vórtice polar, desparramando’l fríu árticu a llatitues meridionales como la nuesa, seguiremos sollertes ya informando.
Que paséis un bon martes y un feliz día de los enamoraos, collacies ya collacios.
Semeya onde asoma tímida Ubiña la Pequena del nuesu collaciu Luis Alfredo.
Todas las reacciones:
79
This work is licensed under a Creative Commons Attribution 4.0 International License.
