La solución” a la contaminación producía por Arcelor ye una chimenea de 60 metros pa que la contaminación llegue más llueñe y se note menos en Xixón
Xixón bate’l record de contaminación por Pm10, un record que yá yera bultablemente altu. En La Calzada los marcadores algamaron nel 2022 una media añal de 38 µg/m³ y 53 díes superando la llende de l’actual normativa RD; tamién superó esi estragal la de Santa Cruz con 32,7 µg/m³ y 51 díes, asina comu la estación del Lloredal con 31,2 µg/m³ y 59 díes. Los estudios realizaos de la procedencia de los contaminantes qu’alienden los vecinos de la zona revelen que proceden na so mayoría d’Arcelor, nun 74% nel casu de les partícules y nun 87% nel casu del bencenu y tolueno.
Mentantu, Arcelormittal sigue ensin acometer les inversiones mediuambientales que tenía qu’entamar va años, cola complicidá del Principado ya’l plenu del Conceyu, que non solo lo consienten, sinón qu’acaba d’espublizase una Resolución de la Conseyería d’Alministración Autonómica, Mediu Ambiente y Cambéu Climáticu que modifica l’autorización ambiental integrada de la instalación “Sinter” de Arcelormittal España, S. A., apurriendo una solución insuperable pa esaniciar la polución: echala más parriba, de manera que se reparta más y afecte a más territoriu, pero que se note menos.
Alberto Rodríguez
This work is licensed under a Creative Commons Attribution 4.0 International License.
