Nueva concentración pola sanidá pública asturiana el llunes 13 de febreru a les once la mañana delantre’l Nienmeyer, n’Avilés
Los trabayaores del sector de la sanidá ya nun pueden más y pidin a la sociedá asturiana el so sofitu na so llucha por caltener en pie una sanidá que ye o tendría de ser de toos y pa toos. Los progresivos retayos económicos faen que la escasez de materiales y personal seya inasumible. L’alministración reclámayos cuotes crecientes d’esfuerciu, tiempu y aguante pa trabayar nunes condiciones que de ninguna manera garanticen una atención correcha de los pacientes, comu bien saben los usuarios de los servicios mélicos del Principado.
Poro, pidin a la ciudadanía asturiana que los acompanguen nesta nueva movilización que tendrá llugar esti llunes trece de febreru n’Avilés, pidiendo a quienes vaigan que lleven si ye posible bates blanques y cartelos colos que facer más visible les sos revindicaciones.
Redaición InfoAsturies
This work is licensed under a Creative Commons Attribution 4.0 International License.
