Esti martes pasáu intentaron da-y fueu a La Xusticia, llegando a prender la puerte y dellos materiales del interior, poniendo en pelligru non solo el llocal sinón a los vecinos.

“Nun pasen los años pa los que quieren venos cola cabeza gacha, los que nos quieren de rodílles. Disfracense como se disfracen siempre son los mesmos y sirven a los mesmos intereses” declaren dende la CSA, una organización que trabaya pordesendolcar ente los trabayadores l’espíritu d’asociación, practicando l’ayuda mutua y calteniendo relaciones con toos aquellos organismos allegaos pa la común intelixencia que conduza a la emancipación total de trabayaores “faciéndo-yos entender que namás per estos medios van poder alzar la so condición moral y material na sociedá presente y preparar el camín pa la so completa emancipación na futura, por cuenta de la conquista de los medios de producción y consumu”, comu recueyen los sos estatutos.

Ante l’ataque, los miembros de La Xusticia van iguar los desperfechos y continuar col so llabor, ensin permitir qu’actos d’esta triba los afeuten nel so enfotu.

Nun ye la primer vegá que pasa daqué asemeyao. la hestoria del movimientu obreru en La Felguera ta estrada d’ataques comu esti, dende que los anarquistes entamáron col Centro Obrero la Justicia hai 120 años. Nos años vente intentaron da-y fueu al llocal. Nel 1937 prindólu’l fascimu y úsose como caballeriza, quemándose tolos llibros. Nos años cincuenta foron los dominicos los encargaos de valtalu y construyir una ilesia. Dengún d’estos atentaos y espolios foi pa frenar la llucha obrera, sinón más bien p’afianzar el convencimientu de que ye necesaria.