El desaxuste del mercáu llaboral asturianu, con empreses solicitando trabayaores con una formación que nun esiste y mocedá emigrando por falta d’oportunidaes llaborales xustifica sobradamente la inversión en formación específico, a la que se destinó la emportante cifra de millón y mediu d’euros, vinientes del Plan de Recuparación y Resiliencia de la XE.

D’ellos el 28%, más de la cuarta parte, quedará ensin utilizar, según el conseyeru d’Industria “por falta de demanda” y acordies les empreses y los teóricos beneficiarios, por “falta d’información”. Nun hai desplicación pa que, casu de que nun se presentaren más entidaes a solicitar les aides, l’importe “sobrante” nun se repartiere pente les que si solicitaren.

En total una empresa, cinco ensames empresariales y siete entidaes ensin ánimu de llucru acedieron a les aides, recibiendo pente 27.724 (Asociación Luar) y 224.945 euros (Federación Asturiana d’Empresarios). Los otros beneficiarios son la empresa de tresporte sanitariu, Transinsa (131.760 €), la Unión Independiente de Transportistes Autónomos (58.227 €), Otea Hostelería y Turismu (37.840 €), Unión de Comerciantes d’Avilés y Comarca (37.840 €), Asociación Independiente de Jóvenes Empresarios del Principado de Asturies (32.940 €), Federación Asturiana de Empresarios (224.945  €), l’Asociación de Muyeres Latrébede (74.737 €), Muyeres en Igualdá d’ Asturies (33.575 €), Fundación de Trabayaores de la Siderurgia Integral (97.935 €), Acción Contra el Hambre (75.762 €), Asociación Luar (27.742 €) Fundación Dicampus (84.633 €) y Acción Llaboral (103.515 €).

Redaición InfoAsturies