Convocáu’l XV Concursu de semeyes LA SIDRA

  • 18 Xineru, 2023

L’un de marzu fina’l plazu pa presentar obres al Concursu de Semeyes LA SIDRA, que trata de recoyer n’imáxenes lo meyor de la cultura sidrera

El Concursu  Semeyes LA SIDRA  surdió nel 2008 pa esparder y visibilizar la cultura sidrera asturiana y plasmar n’imáxenes la so presencia na vida cotidiana y toles manifestaciones sociales d’Asturies, siendo pioneru na promoción de la qu’agora ye (entá) candidata a Padremuñu Inmaterial de la Humanidá.

De magar entós lleva 15 años medrando, dende les primeres decenes de semeyes cuasique llocales de la primera convocatoria fasta la participación de cerca 200 fotógrafos con alrodiu 600 semeyes procedentes de 28 países estremaos nes caberes. Esi xorrecimientu foi posible gracies a la implicación del Llagar JR, la Fundación Asturies XXI y l’asociación Asemeyando, collaboraores toos ellos del certame.

La temática del concursu, “la sidre y la mazana” ye bien ampliu, valorándose amás de les cuestiones estétiques y de calidá fotográfica, l’espeyar na imaxe la relevancia social y cultural de la sidre. Amás, habrá un premiu especial dotáu con cien euros y dos caxes de sidre JR al accesit otorgáu a la meyor semeya con sidre d’esti llagar. Na categoría xeneral los premios son de 700, 200 y 100 euros, coles correspondientes medalles d’oru, plata y bronce.

El xuráu tará compuestu por presones de reconocíu valir nel campu la fotografía, la sidre y la cultura asturiana. Participar nesti concursu ye de baldre y la organización garantiza’l respetu a los drechos d’autor de los participantes, respetando toles normes étiques reconocíes,

 

RESUME BASES

Inscripción gratuita

Temática: Sidre y mazana

Inscripción: Les semeyes unviaránse en formatu dixital a https://fotogenius.es/

Carauterístiques téuniques: Les imaxes van haber d’unviase en formatu estruyíu en JPG, altu mínimu de 5000 pixels y másimu de 9000, una resolución de 300 ppp y un pesu másimu de 6 megues.

Premios a los qu’opten les semeyes  son:

  • Imaxe ganadora dotáu con 700 € en metálicu, medalla oru CEF
  • 1er accésit dotáu con 200 € en metálicu, medalla plata CEF
  • 2º accésit dotáu con 100 € en metálicu, medalla bronce CEF
  • Mención especial “Sidra JR” dotáu con 100 euros y dos caxes de sidre JR (a recoyer nel llagar pola persona premiada)

Feches clave

  • Recepción d’obres: del 23 de payares de 2022 fasta’l 1 de marzu de 2023.
  • Espublización del fallu del xuráu: de magar el 12 de marzu de 2023.
  • Entrega premios: de magar el 13 de marzu de 2023

BASES DEL XV CONCURSU SEMEYES LA SIDRA / BASES DEL XV CONCURSO DE FOTOGRAFÍA LA SIDRA / RULES OF THE XV LA SIDRA FOTOGRAPHY CONTEST

Alberto Rodriguez

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies