La contaminación del aire en toda Asturias torna a intensificase en viéspores de les fiestes Navidiegues, con midiciones especialmente negatives nos conceyos de Xixón, Siero, Uviéu y Avilés

A piques de presllar l’añu, Asturies presenta los peores datos añales del estáu en contaminación por partícules del aire, situación que vien repitiéndose añu tres añu, incluso coles trampes y atayos coles que’l “Principado” falsea los datos, colocando los midiores escondios y lloñe de los principales focos. 

Los datos oficiales de partícules de los caberos díes amuesen una intensificación de la concentración de micropartícules nel aire que respiramos, ya d’avezu poco llimpiu y qu e nesti añu superó delles vegaes les llendes que marquen los niveles aceutables pa la salú, a partir de les qu’alendar tien consecuencies dañines pa la salú, tanto respiratoria comu neurolóxica.

Acordies al Índiz Nacional de Calidá del aire, que califica los valores de polución pelligrosos pa la salú, esmolez l’abondancia de PM10 y de bencenu en Xixón, especialmente nos barrios de La Calzada ya’l Lloredal. Son desfavorables tamién les midies de partícules en Siero, Avilés y Uviéu.

Alberto Rodríguez

This work is licensed under a Creative Commons Attribution 4.0 International License.