• Portada
  • >
  • Asturies
  • >
  • Los asturianos na diáspora reclamen medios pa tornar entantu’l presidente llama a repoblar con inmigrantes

Los asturianos na diáspora reclamen medios pa tornar entantu’l presidente llama a repoblar con inmigrantes

  • 16 Avientu, 2022

¿Por qué Adrián Barbón insiste’n solucionar el problema de falta de población atrayendo población foriato cuando 150.000 emigraos asturianos suañen con tornar al país?

Cerca de 186.000 ñacios n’Asturies viven agora fuera’l país, la mayoría, 150.031, n’España, y otros 31.871 n’otros países. Madrid ye la comunidá na que moren más asturianos, un total de cuasi 42.000. Eso quier dicir que si se facilitaren los medios pa que tornen al llar la población asturiana medraría alrodiu d’un 18%, con namás considerar los emigraos de primer xeneración, siendo ello que son abondos los fios d’emigrantes que nagüen por vivir n’Asturies.

D’ente ellos calcúlase que’l 78% tornaríen a Asturies darréu si les condiciones foren les afayaices, proporción que sube al 82% si falamos de menores de 25 años, precisamente’l sector de población del que más falta tien Asturies. Nun hai falta abondar en que los problemes económicos y la dificultá d’alcontrar un trabayu estable non precariu n’Asturies ye’l pilancu fundamental pa que toos estos asturianos nun tornen.

Entantu, Adrián Barbón lleva cerca dos años insistiendo en que la solución pa la despoblación d’Asturies pasa por atrayer xente foriato, aporfiando’n declaraciones comu que “tenemos qu’atrayer los inmigrantes a los pueblos” comu vía pa finar col despoblamientu rural, ensin que fasta agora desplicare por qué prefier que nun seyan asturianos los que vengan a vivir a Asturies.

Llucía F. Marqués

This work is licensed under a Creative Commons Attribution 4.0 International License.

1 Comment Already

  1. Nun ye pa poblar el campu lo de atrayer xente foriato, ye pa que la xente enos pueblos nun sea de raigame, nun sepa que el monte ye de los vecinos, etc.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies