La soestación alcuéntrase arrodiada de viviendes a menos de 50 metros de distancia, polo que va años que se pidi’l so treslláu a otru llugar
La escasa distancia pente l’actual Soestación de Carrio y les viviendes nun ye abonda y les consecuencies de la contaminación lleutromagnética nos vecinos ye patente, polo que va tiempu que se plantegó’l so treslláu, seique nun llegó a ser executáu.
Agora non solo nun s’atiende a la demanda vecinal de treslláu, sinón que ta falándose d’ampliación nel mesmu llugar. La memoria entregao pa valorar el so impautu, denuncien dende la Coordinadora Ecoloxista d’Asturies, nun fae referencia al impautu na contaminación pol usu del hesafluoruru d’azufre comu aisllante nos tresformaores nin fae mención a los altos indices de contaminación que ya miden les estaciones averaes. Nun se recueye tampocu l’impautu visual y paisaxísticu.
Reconozse, eso si, l’aumentu l’impautu acústicu, pero nun se contemplen midies p’amenorgalu, siendo ello que de magar l’ampliación sedría un focu costante de ruiu les 24 hores.
Dende la Coorinadora resumen “Nun vemos na memoria una valoración sobre la afeición a la calidá de vida de la población. Lo único que xeneren les soestaciones pa los colindantes un nidiu impautu paisaxísticu, un claru impautu na so salú y una depreciación evidente del so padremuñu inmobiliariu”.
Redaición InfoAsturies
This work is licensed under a Creative Commons Attribution 4.0 International License.